ليش الغريب ابدارنه
يا يمه طولها العدو محتل اراضي او دارنه
يا يمه ما بسه بعد و الياوكت
يا مو طال الزمن وتعده وقت الانتظار
مو قلتي بمضيف الوطن جاي الفرح خطارنه
قلتي يمر بينا الشوق ويزيح دمعات الحزن
جم مرة غنا للورد طير السعد ابدارنه
جا ليش طال الليل والاه والحسرات
يا يمه مصباح الفجر عاند الليل او زارنه
ما ردنه دمعات الحزن تجري على اخدود الوطن
من الغريب الماغزر بيه الملح او زادنه
مو احنه جربنه الزمن وتعاندينه اوياه
او كم مره راوانه العسر او مرمر عليته ارياجنه
يا يمه ما عفنه الوطن او حطنه ايد ابايد
وتعاهدينه با المحن جدامه
نفدي 
مو يمه هاذ الوطن احنة الكبرنه وياه
وحنه تعاشرنه سوا وبعنه عليه اسرارنه
يا يمه نجمات الوطن بسما العز
واسمة انكتب على الصدر و استنسخ ويه افكارنه
ياحيف ذ ئب الوكت يلعب على الصوبين
كل ما نلم الشمل اهوا اليبعد احبابنه
لابس قناع الدين و يرضع مع الشيطان
وشايل علينه الحقد ناكر اهلنه ودارنه
يايمه احنة الاهل و هوا غصب هل دار
ناوي علينه الشر ويريد
اينزع 
ياريت ما خان الزمن و يلتم شملنه سوه
صبح
بره الدار و 
من
احثالنه
مسدود باب الفرح و مفتح ابواب الحزن
يايمه حتى فرقو اهلال و يوم اعيادنه
وحيود هذه الوطن شدو على الكلفات
عبرو منايه الموت و رسمو درب لجيالنه
2005/12/16
محمد العيلامي