موال1
يا فرج گلي متى ابحي عربنه تمر
يا صبر بمسامرك وانت بذوقي تمر
امرك ابثقل الجبل يا معتدي من تمر
لابد يزول الظلم من جوركم نخله
اكزون اتحاد العرب كثرت يا خي نخله
اصبحت آكل حشف وآنه املكت نخله
ابيا عرف هذا يصح والغير ياكل تمر
موال 2
امسلهم اعيونك يا خي ما يوم اراهن وعن
ما تفز ويه المشوا فيصل وشاعي وعن
وتسمع نخاوي الشعب يطلبله ناصر وعن
وتشوفه يشري ابرخص واهمه اشتروا منغلي
لو تمر صوبي وشفت بيها جمر منغلي
ما خدر ابچاي گاعد والگلب منغلي
وانت ابرقد ما شفت فتشت جفنك وعن
سهير الخفاجي