قرار و صدره المجلس على بكوع كون من الحكم ينزح
اخذلك جوله لآمازون و اخذ بكوعتك وياك تتفسح
لاتلهث بعد بكوع بقاك اويانه ما يسمح
طلع بكوعه تشبك بيه خانكته عبرته و بالدمع يمسح
ابن بكوع خوش انسان لا يعوي و لا ينبح
يدك على الحديد بخشب و كل ظنه الحديد من الخشب يفلح
ثعلب اجه من بعيد يهز بذيله و ترشح
على كرسي الرئاسه كعد و تمرجح
كعد مشط لحيته تحدث و سبح
مساوات لجميع افراد الغابه و عقلك خله يتفتح
عندنه الظلم ما مقبول ونسوي من الخطآ هم صح
حجه بكل الحنان وطيب وبعيونه الجذب يجدح
مايدري بكلام العين هو من اللسان افصح
كلامك عسل يا ملعون و ايدك قاسيه وتذبح
مسكين السكن وياك بالغابه و خطيه بوجهك الصبح
غابة هوش ما تنحلب و الثيران بس تنطح
تحضر لسباحه مو اجاك الروج روج البحر ما يمزح
عمادالحويزاوي