|
قصيدة للشاعر الشعبي الاحوازي * أبو رساله * بعنوان : المحمره عشگ وانهار
تعال وياي خل نطوي المسافات تعال انزور ديرتنه العزيزه الغالية العنت علينه علي عنت مدنه وريحة الگاع وجرف كارون والكرخه النحب أميته وطينه نروح لكل الاحواز ... الفلاحية ، الخفاجية ، التميمية وعلى الميناو مر بينه بعبادان طب بالصالحية وويس وبتستر والبسيتين اهالينه بالعميديه شوف الناس روح الملا ثاني هناك أخذنه وياك ودينه وبمعشور وبسيد جري ورامز ... هذیچ القنطرة والسوس والگصبه التنادينه وخل الموسيان نروح لتلال السبعه والاحجار سبعة نروح خلينه ---------------------- اخذني وياك هالنوبه .. للحبيبه أروح وياك ... أصب دمع المحنه هناك خل نحچی وتحاچینه .. أريد بصوت أصيحن حيـــــل .... احبچ حب فلا مثله يديرتنه ومدينتنه لأن أجمل جمال الكون انتي وللمدن زينه .. ماأنساها المحمرة أبد والله .... لتلومون أغلى من العمر وأيامه وسنينه -------------------- مسقط راسي ما أنساه .... ما أنسه الرويسٰ وناسنه الطيبين ... فوگ الراس أخليهه صرت ... وتغذيت ، المحمرة مدينته كبرت وترعرعت بيهه ماريده الگلب ماريد ... أعوفنه اذا حسيت لحظة الگلب ناسيهه سوالفنه بالمحمرة غزل واشعار ... ماعدنه سوالف هیچ نحچیهه يالمحمره عشگ وأنهار وگلوب العطاشه بساع ترويهه ... مدينتنه صدگ ليل وسهر ونجوم ... ليليه هلي الثوار تحييهه ---------------- محمرتنه عزيزتنه ... الخاقاني علمها قائد الثوار ... ماطاح العلم ... ما مات ... بعده دروسه للأجيال ينطيهه محمد طاهر المهيوب أمام الثورة والثوار ... حي بذیچ ثوريته ولا فد يوم ذل نفسه الطواغيهه هله وياحي قلعة الثوار ... حيها وحي أهاليهه أصايل خيلها جدام ... ماترضى تضل تمشي بتواليهه ... تعلمنه من المحمره فلا ننذل ... عزيزين النفس نبقى بأعاليهه ولانرضى يضل ينزف جرح بينه نضمد جروحنه بسرعه ونداويهه .... نضمد جروحنه بسرعه ونداويهه (1): منطقة الرويس هي مسقط رأس الشاعر وتقع على رأس نهر كارون من جهة شط العرب على الطريق مابين عبادان والمحمرة .
مع تحياتي الشاعر أبو رساله الاحوازي
|