|
یاعین قصيدة للشاعر أبو عائد الأحــوازي ***** دم صبي الـــدمـــع وابچیه یــاعین وخــل یحفر بیـاضچ کــون نصین ذوبي وذوبیني الفـرگه الاصــحاب وذبحي النظر ســکته ولا تــلوعین لا تــتألمــــــي وتـتـفقـدي الـشـوف شلـي ابـشوفـچ بـعد والمـن تشوفین أعـز اصـحابـي ذول المشوا یاعین مثلهم مایصحـــــــلي اوویـن تلگین أدوّر ویـــــــن أدگ یا بــاب یا دار اوویــن الگه الیسار ایصیر وایمین منـشدوا رحـــــــــــیل وحدوا للسیر وگوطر عـیـــسهـم وأمسوا بعیــدين انتزع مــــــــني نهاري لیل الفراگ وخیّم بالمأســــــي وغطه الصوبین وغیـــم الــهم توافـــد کلــه لســـماي وغدت تمطر جمر دنیاي یا عــــین یعذبني الحزن والــــحزن چــتــــال وترا حزن الغریب ایصیر حزنــین حزني اعله الوطن واجروحه الکبار وحزن فقد الرفاق ومأتم الـبـیـــــــن ابحر الضیم أفوج وضیم عن ضیم ومصایب عن مصایب فرق حدین یشمرني القهر من موج الـــی موج عواصف والیعین ابهلوکت ویـــــن أفوج الـیـا جرف وابـکل جرف نار وغدت تلهب علیه النار صوبــیـــن أصیح ابصوت اصیح اهنا یخــلان یـعـشـاگ الوطـن لا ویـن مـاشـیــن ارجعوا ما لگیت اللي یعوضـــــون ارجعوا صار جرح الگلب جرحین ارجعوا یالشرار اسیوفکم مــــــوت ومـنـکـم یـنـطـوي الـبـولاد وایـلـیـن نعـاکم کل نخلنه ونهر کـــــــــارون لبس ثوب الحزن وارتدی ابجرفـین وأحـواز العروبه گصد مـعـشـــــور وگصد تستر وشـایل الم حزنــیـــــن صـلـفه ایـامـنـه والـوکت مــرمــــوز الیخیّط الشگ اجـیبه اشلون وامـنیـن اذیابه اســنینه وامکشره الانیــــــاب ویـبوگن حته بسمات المساکــیــــــن واحنه انعیش دنیة جهــل واضیــاع وانرد البعضنه الصاع صــاعـــــین ضیـعـنـه الـتـسـامـح والــعـفــو راح وعسی الله ایعوّض ابجاه المخلصین أملنه ابدمکم ایوحدنه الصفــــــــوف ونصبح من ثمار الجمع متوحدیــــن ونـبـنـی الهدماه الزمن بـجدیـــــــــــد إیـد ابـإیـد واحـد نـنـفـي الـثـنـیـــــــن وعبدالله الأسد من طاح مامــــــــات الاف الرفاق ابدربه ماضیــــــــــــن اوعلي ومالک احیاء وعز للأجیـال ویضلون ابفخر شاهد الکونیــــــــن ومن جیفاره طاح العلم ماطــــــــاح ولا طاح العلم من طاح الحسیـــــــن ضلّوا جامعه وأتخرّج الثــــــــــــوار وخضّر روض مدفنهم ریاحـــیــــن کافي من الدمع یاعــــــــین لا تبچین
|