الارض
ــــــــــــــ
شمحله الطول يحبيبه
الشمايل وردة النرجس
الخصر فتن مفتون
حفر نحات
وتخيلتك
¤ ¤ ¤ ¤ ¤
الرگبه صب ذهب
تضوي ضوي
بالحنجره ايراري الماي
شمحلاته الوتر
من يعزف ويلخلخال
حار فيك الرسم
تاه القلم والقرطاس
وتخيلتك
¤ ¤ ¤ ¤ ¤
الاحله الشامه على الوجن
شفايف مرسومه بحبر وردي
الخزامه معقوده عقد
الخشم جرة زان
الشيله امعلگه بچلاب
حريرالعبايه
ايخطخط ويلگاع
شعرک المجنون یاحلوا
جناح يطاير
الحجل يتراقص ويجدم
الگلاده طول اضراع
اترچيه لمع يضوي
وتخيلتك
¤ ¤ ¤ ¤ ¤
حلم ? ? ?
بل امل انت
تصورتك ! ! !
لسنان حب طلع
البسمه جناح فراشه
فتحة عيونك غزاله
غزل صوتك نغم
الصدررمان
تركيني انام بدفه صدرك
عطشان
انت الماي
وتخيلتك
¤ ¤ ¤ ¤ ¤
كل المعابد
الكنائس
المساجد
يسمراء اتأذن باسمك
حي على النضال
اتعرفين? ? ?
شوارب الثوارتهتـز
ماترجـف
خياله
تجي ابلليل واتنشلك
عشيقه انت
وتخيلتك
¤ ¤ ¤ ¤ ¤
بدم الشهيدالبار
تكحلتي
دره انت وبيدفحامه
بظلام الليل ياحيف
اوگعتی
كفو ياحلوتي
طول هاي اسنين
ماضعتي
ماقمضت عينك
زندك ماوگع
على اوساده ونام
تنتطري
وتخيلتك
¤ ¤ ¤ ¤ ¤
امنه عبايته
على الخصـرشـدت
اتعرفيـن
من يسقـط ابنه
شهيــــد
اتهلهـل
اذا
خلص البارود
تاخـذثار بالمگوار
تقتل صمتك القاتل
اترجعك
وتخيلتك
تخيلتك
ابو الفوز الأحوازي
2005-08-25